ఊరించే కల

(చిత్రాన్ని ఇక్కడ నుంచి సేకరించాను)

నా చిన్ని లోకంలో మైమరిచిపోయిన నన్ను
నీ విశాల ప్రపంచంలోకి లాగావు
దాని అందాలన్నీ రుచి చూపించావు,
ఆ ఆనందాన్ని పూర్తిగా అస్వాదించక ముందే,
మధ్యలోనే నువ్వు ఆవిరైపోయి, నన్ను ఒంటరి దాన్ని చేసావు,
నీవు లేక, ఆ అందమైన ప్రపంచం, శూన్యంతో అల్లుకుపోయింది!

తట్టుకోలేనంత ఆనందాన్ని ఒక్కసారిగా క్షణకాలం ఇచ్చి,
ఇప్పుడు ఉండుండి నన్ను దుఃఖ సాగరంలో తోసేసావు

ఇప్పుడు, అలవాటుపడ్డ నీ విశాల ప్రపంచాన్ని వీడలేను
అలాగే తిరిగి నా చిన్ని లోకాన్ని పొందలేను
ఎందుకు ఊరించే కలలా ఎదురయ్యావు?
ఆఖరికి తీరని బాధను మిగిల్చావు