నా ఆవేదన!!

(చిత్రాన్ని ఇక్కడ నుంచి సేకరించాను) Edited by: Sanchari
 
అందమైన కలలు కనమని
కళ్ళకు ఎందుకు చెప్పావు...
కన్నీరుగా కరిగించడానికా ?

ఆశల వలలు విసరమని
గుండెకు ఎందుకు చెప్పావు...
అడియాసలను బంధించడానికా?

చిరునవ్వుతో చెలిమి చేయమని
పెదవులకు ఎందుకు చెప్పావు...
ఆది ఒంటరి చేసినపుడు, వెల వెలబోతు ముడుచుకొడానికా?

లోతుగా ప్రేమించమని
హృదయానికి ఎందుకు చెప్పావు...
తరువాత తనని తానూ బాధతో చీల్చుకోడానికా ?

భగవంతుడా!! అసలు మనిషికి మనసుని ఎందుకు ఇచ్చావు?
మనసుని బొమ్మగా చేసి,
మనిషిని ఆడించడానికా?